У сезоне MotoGP 2010 Гран Пры Брытаніі адбудзецца на легендарным Silverstone Circuit. Да свайго вяртаньня ў каралеўскія мотагонкі Сільвэрстоўн рыхтуецца грунтоўна.

Пяцігадовая дамова падпісаная і зацьверджаная. Каб не зафэйліць, кіраўніцтва трасы пачало маштабныя працы па рэканструкцыі палатна на ўсёй паверхні трэка, пашырэньню зон бясьпекі і выквнаньню іншых парадаў камісіі FIM. Верагодна, да гэтых дапрацовак прыйдзецца дадаць новыя, бо як аказалася Формула 1 застаецца ў Сільверстоўне таксама. На ўсё ёсьць паўгады, не больш.

Рычард Філіпс (Silverstone Circuit): “Мы ўжо пачалі працы на трасе, паляпшэньні на 5 мільёнаў фунтаў неўзабаве можна будзе ўбачыць сваімі ўласнымі вачыма. Нам абавязкова трэба было зьмяніць гэтую трасу, каб зрабіць яе годнай для мотагонак такога ўзроўня. Ужо цяпер мы зраўнялі з зямлёй адну з шыканаў, так што Woodcote вернецца да свайго ранейшага выгляду, як было ў старыя добрыя часіны. Праект выглядае вельмі ўражліва - мы паказвалі яго розным гоншчыкам, яны ўсё засталіся задаволеныя, як і фанаты, якія адказалі вялікімі чэргамі ў квіточныя касы. Так што, на дадзены момант мы цалкам задаволеныя тым, як ідуць справы. MotoGP - вельмі папулярная падзея, прыход яго ў Сільверстоўн - проста фенаменальная падзея, вельмі вялікі стымул для нас”.

Photo by Silverstone Circuits Ltd

Пасьля Ралі Монцы, чэмпіён MotoGP Валянціна Росі нядоўга адпачыў і прыняў удзел у паказальнай гонцы на Bologna MotorShow. Нажаль у гэты раз італьянец саступіў. Пераможцам стаў Міко Хірванен - віцэ-чэмпіён WRC 2009.

Росі выступаў на ралійным Ford Focus. Як і год назад, гонка ў Балонні стала дажджавой. Змагацца з майстрамі паўнапрывадных чэмпіянатаў стала практычна нерэальнай задачай.

Валянціна Росі: “Бітва была цяжкай у параўнаньні з Монцай, тут трэба прыстасоўвацца да больш ралійнай язды, таму што тут і зямля і асфальт разам. Пляцоўка вельмі слізкая, і трэба вадзіць зусім па-іншаму, не як у Монцы, дзе толькі асфальт… Гэта гонар - спаборнічаць з Солбергам, Гронхальмам, Наваррам, які перамагаў тут шмат разоў, гэта наймацнейшыя ў сьвеце пілоты, і гэта выдатна ехаць побач з імі”.

- Райканен вырашыў зрабіць перапынак у Формуле 1 і паганяць на ралі, ты б хацеў зрабіць тое ж самае?

Валянціна Росі: “Паглядзім, што будзе. Цяпер перада мною шмат пытанняў, я яшчэ сапраўды ня ведаю, што буду рабіць далей. Я вырашыў трохі паганяць узімку на аўто, таму што планую заняцца аўтагонкамі, калі скончу сваю кар’еру ў мотаспорце. Але пакуль маёй прафесіяй застаюцца менавіта байкі. Як толькі ўсе гэтыя ралі скончацца, я зноў стану мотагоншчыкам”.

- Усё кажуць пра вяртанне літровых рухавікоў, што ты думаеш пра гэта?

Валянціна Росі: “Мне падабаецца гэта ідэя. Гэта былі моцныя байкі, і іх было складана кіраваць. Паглядзім, якія правілы ўсталююць у будучыні”.

- Пасля гэтых двух дзён тут цябе чакаюць яшчэ нейкія аўтагонкі?

Валянціна Росі: “Не, пакуль досыць. Хачу адпачыць у канцы сьнежня і студзені. Буду катацца на лыжах з сябрамі”.

Photo by Andrea Perotti

Віта Іпаліта (FIM): “Гэта не спрацавала, таму што магутнасць матацыклаў засталася на ранейшым узроўні, а кошты ўзляцелі да нябёсаў”.

“Не мае значэння, які працоўны аб’ём у рухавікоў - 1000, 1200 і 750 кубікаў - у любым выпадку, байкі MotoGP не могуць быць амалагіраваны (пад другія серыі) у выглядзе іх эксклюзіўнасьці, як прататыпы. Так што яны, у прынцыпе, могуць мець любыя рухавікі - гэта не важна”.

Калі заводы змогуць зьменшыць выдаткі на вытворчасьць матораў, гэта пацягне за сабой зніжэньне выдаткаў на ўвесь чэмпіянат. Зразумела, адным з меркаваных спосабаў зрабіць гэта, зьяўляецца ўжываньне ўжо існых распрацовак. Ідэю вяртаньня да літровых рухавікоў падтрымліваюць і пілоты MotoGP.

Нікі Хэйдэн: “Каб іх чорт узяў, так! 1200 - гэта выдатна! Сапраўды, чаму б не зрабіць 1200?”

Валянціна Росі: “Нам абавязкова трэба вярнуцца да 1000-кубовых рухавікоў і выкінуць 70% электронікі з гэтых байкаў. Вось гэта было б выдатным рашэньнем”.

У італьянскай Монцы адбылося Монца Ралі, у якім прыняў удзел шматразовы чэмпіён MotoGP Валянціна Росі на Ford Focus RS WRC.

Росі й яго штурман Карла Касіна ўжо выйгравалі Монца Ралі ў 2006 годзе. Сёлета Валянціна таксама быў вельмі блізкі да перамогі, але памылка, дапушчаная практычна пад фініш гонкі прывяла да развароту і страце першага месца. Перамога ж дасталася заводзкаму гоншчыку Audi Рынальдо Капэла, які выступаў у Монцы на Citroen C4 WRC.

Валі традыцыйна ўдзельнічае ў ралі-спрынце ў Монцы, пачынаючы з 1995 года, у якім ён упершыню стаў чэмпіёнам сьвету па матагонках у класе 125 кубікаў.

Таксама на рахунку італьянца лічацца тры выступы на этапах WRC, паказаўшы найлепшы вынік на ралі Новая Зэляндыя 2006 году наSubaru Impreza. Тады Валі стаў 11-тым па выніках ралі.

У наступным годзе таксама чакаецца зьяўленьне Росі на адным з этапаў WRC. Плануецца, што гэта будзе ралі Мексіка. А баявой машынай матагоншчыка ізноў стане Ford Focus RS.

Паводле: http://wrcby.com/news/2009/rossi-monza.html

Bridgestone застанецца ў MotoGP яшчэ на 2 сезоны - 2010 і 2011. Кантракт японскага вытворцы покрывак падыдзе да канца напярэдадні новай тэхнічнай рэвалюцыі ў Вялікіх Прызах, якая верне літровыя маторы ў Каралеўскі клас. Дырэктар Bridgestone Motosport Хіросі Ясукава пацьвердзіў, што да гэтага моманту сітуацыя з шынамі застанецца стабільнай.

Хіросі Ясукава (Bridgestone): “Сёлета эканамічны клімат некалькі зьмяніўся, але марку Bridgestone шануюць у MotoGP, у пацьверджаньне гэтаму нам прапануюць прадэманстраваць нашу тэхнічную кампетэнцыю і працягнуць працу ў чэмпіянаце. Паказальная частка продажаў матацыклетных шын грунтуюцца на іх характарыстыках. Наш удзел у MotoGP на працягу ўсіх гэтых гадоў дазволіла разьвіць эксплуатацыйныя якасьці нашых прадуктаў разам з некалькімі выбітнымі пілотамі, а гэтак жа перадаваць атрыманыя веды па ўсім сьвеце. Згодна дамове з Dorna, мы абавязаны падтрымліваць серыю як пастаўшчыкі шын на працягу наступных двух сезонаў. Думаю, гэта адлюстроўвае значэньне MotoGP для Bridgestone Corporation“.

Нагадаем, што японская кампанія ўжо заявіла, што пакіне Формулу 1 пасьля 2010. Можна выказаць здагадку, што аналагічная сітуацыя можа адбыцца і з MotoGP, як толькі міне дзейсны кантракт з Dorna Sports у 2011.

Фінальная кропка ў сэзоне была пастаўлена ў Валенсіі. На роднай зямлі перамогу атрымаў гішпанец Дані Пэдроса на заводзкім байку Honda.

Дані Пэдроса: “Я вельмі рады гэтай перамозе, таму што я сапраўды вельмі жадаў яе, імкнуўся да яе. Увесь тыдзень я думаў толькі пра гэту гонку і ні аб чым іншым. На практыках мы адставалі, але каманда выдатна папрацавала, я вельмі ўдзячны ўсім ім. Жадаю падзякаваць і ўсіх фанатаў, яны выдатна падтрымлівалі нас, гэта было проста неверагодна, я думаю, ім спадабалася гонка”.

MotoGP. Гран Пры Валенсіі 2009. Рэзультаты гонкі

Вось і падышоў да фіналу чарговы сезон каралеўскіх мото-гонак MotoGP. Віншуем звыклага пераможцу - Валянціно Росі. Чарговы тытул дастаўся італьянцу без вялікіх цяжкасьцяў дзякуючы выдатнаму байку Yamaha, няўдачам канкурэнтаў і канешне ж таленту Доктара.

Photo by MotoGP.com

Прыемная навіна для ўсіх аматараў аўтагонак і сайта  ByMotoGP.com - запрацаваў новы зручны дамен MotoGP.BY!

Гран Пры Катару прыйшлося перанесьці на панядзелак з-за даджду, але гэта не замінула Стоўнэру пацьвердзіць сваю хуткасьць на трэке. Аўстраліец быў хутчэйшым на працягу ўсяго ўік-энду і быў лідэрам ад старту да фінішу ў гонцы.

Валянціна Росі і Хорхе Лорэнцо з Ямахі прыехалі на другое і трэцяе месца суадносна.

Лорыс Капіросі ўдала стартаваў і некалькі колаў ішоў на другой пазыцыі, але недарэчнае падзеньне пераклесліла мары італьянца на подыўм ці на іншыя высокія пазыцыі на фінішы.

MotoGP. Гран Пры Катару 2009. Рэзультаты

Photo: MotoGP.com.

Ужо 12 красавіка стартуе новы сезон MotoGP. Каманды між тым сканчваюць свае прыгатаваньні да першага Гран Пры. 28-29 прайшлі апошнія міжсезонныя тэсты. Добрую форму прадэманстравалі Yamaha, Ducati і Suzuki. Рэзультаты…

28 сакавіка 2009. Тэсты ў Херэсе.

29 сакавіка 2009. Тэсты ў Херэсе.